لعبة رسم جماعية بالعربي، تلعبونها من تلفوناتكم

شلون تلعب؟

1. ارسم: كل واحد تجيه كلمة سرية على تلفونه ويرسمها بلونين خلال 90 ثانية. لا تقول الكلمة لأحد!
2. ألّف: تطلع رسمة واحد منكم على الشاشة، والباقي يكتبون عنوان يخدع الربع كأنه هو الحقيقة.
3. اختار: تطلع كل العناوين والحقيقة بينها. اختار اللي تحسبه الصح، وعطِ لايك للعنوان اللي ضحّكك.
4. النقاط: الجواب الصح +1000، وكل واحد ينخدع بعنوانك +500 لك، والفنان +1000 عن كل واحد عرف رسمته. واللي يصيد الصح مرتين ورا بعض ياخذ +500 بونص، والجولة الأخيرة نقاطها ×2.

شنو تحتاجون؟

• تلفون لكل لاعب، أي تلفون فيه متصفح.
• من 2 إلى 8 لاعبين، وصاحب الغرفة يلعب وياكم.
• تلفزيون أو لابتوب يعرض الرسومات والنقاط، وهذا اختياري: تقدرون تلعبون بالتلفونات بس.
• إنترنت، وربع يحبون الضحك.

شلون تبدون؟

1. فتحوا shno.art من التلفون واضغطوا «سوّ غرفة والعب».
2. دزوا الرابط للربع بالواتساب، أو خلوهم يمسحون الـQR من الشاشة.
3. كل واحد يكتب اسمه ويرسم شخصيته بإصبعه.
4. صاحب الغرفة يضغط «ابدأ اللعب»، وبس!

أسئلة الربع

اللعبة ببلاش؟

إيه، ببلاش، وبدون إعلانات.

لازم أحمّل تطبيق؟

لا، تشتغل من المتصفح على طول، على الآيفون والأندرويد والكمبيوتر.

كم لاعب نقدر نكون؟

من 2 إلى 8 لاعبين بالغرفة الوحدة.

نقدر نلعب بدون تلفزيون؟

إيه، كل شي يطلع على التلفونات بعد. التلفزيون بس يخلي الضحك أكبر.

اللعبة بالعربي؟

إيه، بالكويتي، والأفكار من حياتنا: ديوانيات، جمعيات، مچبوس، وزحمة الدائري الرابع.